စာတို ပေစ

ခေါင်းဆောင်နှင့် ခေါင်းရှောင်
ဖူးကျော်ဇင် (Future Wave)
JOB seekers Journal Vol.2,No.52

အဖွဲ့အစည်းတစ်ခုရဲ့ တိုးတက်ခြင်း၊ ဆုတ်ယုတ်ခြင်းတွေ အားလုံး ဟာ ခေါင်းဆောင်မှုအပေါ်မှာ အဓိကမူတည်နေတယ်လို့ ခေါင်းဆောင် မှု ဟောပြောသူ ဆရာကြီး ဂျွန်မက်စ်ဝဲလ်က ဆိုပါတယ်။ အဖွဲ့အစည်းတိုင်း အတွက်အဓိကအရေးကြီးဆုံးအချက်မှာ ခေါင်းဆောင်ပဲဖြစ်ပါတယ်။ ခေါင်းဆောင်ကောင်းရှိရင် နောက်လိုက်ကောင်းတွေလည်း ထွက်ပေါ်လာတတ်ပါ တယ်။ ခေါင်းဆောင်ကောင်းနဲ့ နောက်လိုက်ကောင်းတွေ ရှိနေတဲ့ အဖွဲ့အစည်းဟာဆိုရင်လည်း အရှိန်အဟုန်ပြင်းစွာ တိုးတက် ဖွံ့ဖြိုးမှုတွေကို ဖြစ်စေပါတယ်။
အဖွဲ့အစည်းတိုင်းမှာ ခေါင်းဆောင်မှုပေးနိုင်တဲ့ ခေါင်းဆောင်ကောင်းတွေရှိတတ်သလို တစ်ချို့အဖွဲ့အစည်းတွေမှာတော့ ခေါင်းဆောင်လို့ မိမိကိုယ်ကို ခံယူ ထားတဲ့ ခေါင်းဆောင်မဟုတ်သူတွေကိုလည်း တွေ့ရတတ်ပါတယ်။ အဖွဲ့ အစည်းတစ်ခုမှာ ရာထူးကြီးရုံနဲ့ ခေါင်းဆောင်လို့ မသတ်မှတ်နိုင်ပါဘူး။ ကိုယ့်လက်အောက်မှာ ကိုယ်စေခိုင်းညွှန်ကြားနိုင်တဲ့လူတွေရှိတိုင်း ခေါင်းဆောင် လို့ မသတ်မှတ်နိုင်ပါဘူး။ ခေါင်းဆောင်မှု အရည်အချင်းတွေနဲ့ ပြည့်စုံပြီး အဖွဲ့ အစည်းကို ပန်းတိုင်ရောက်အောင် စွမ်းဆောင်နိုင်မှသာ ခေါင်းဆောင် ဖြစ်မှာပါ။
တကယ်တော့ ခေါင်းဆောင်မှုဆိုတာ အာဏာပါဝါရှိရုံနဲ့ မသက်ဆိုင်ပါဘူး။ အစစ်အမှန်ဟာ “သြဇာပါဝါ” ရှိတာနဲ့သာ သက်ဆိုင်တာ ဖြစ်ပါတယ်။ “အာဏာ ပါဝါ” ရှိပြီး “သြဇာပါဝါ” မရှိရင် ခေါင်းဆောင် အစစ်မဖြစ်နိုင်ပါဘူး။ လုပ်ငန်းတစ်ခု ရဲ့ အကြီးအကဲသက်သက်သာ ဖြစ်မှာပါ။ ရာထူးအာဏာရလာရင်တော့ ဘယ်သူ မဆို အကြီးအကဲ ဖြစ်လာနိုင်ပါတယ်။ ဒါပေမဲ့ ခေါင်းဆောင်ဖြစ်ဖို့ဆိုရင်တော့ ရာထူးအာဏာထက် ခေါင်းဆောင်မှု အရည်အသွေးနဲ့ စိတ်နှလုံးသားမြင့်မြတ် မှုပေါ်မှာ အများကြီးမူတည်ပါတယ်။
ခေါင်းဆောင်မှန်ရင် တာဝန်ယူမှု အပြည့်ရှိရပါမယ်။ တချို့သော ခေါင်းဆောင်လုပ်နေသူတွေကတော့ တာဝန်ယူမှုထက် အခွင့်အရေး ယူမှု ကိုသာ ဦးစားပေးတတ်တယ်။ ဒီလို ဦးဆောင်သူမျိုးဟာ ခေါင်းဆောင် မဟုတ်ပါဘူး။ တာဝန်ကို ရှောင်ပြီး အခွင့်အရေးကိုသာ ယူတတ်လို့ သူတို့ကို “ခေါင်းရှောင်”လို့သာ ခေါ်ပါတယ်။ ဒီနေရာမှာ ခေါင်းဆောင် နဲ့ ခေါင်းရှောင် ဘာတွေကွာခြားသလဲဆိုတာ သိရှိဖို့လိုအပ်ပါတယ်။
“ခေါင်းဆောင်” ဟာ တာဝန်ယူတတ်တယ်။ “ခေါင်းရှောင်”ဟာ အခွင့် အရေး ယူတတ်တယ်။ “မှန် နဲ့ ပြတင်းပေါက်” ဆိုတဲ့ သာဓကလေး တစ်ခုကို ကြားဖူးပါတယ်။ အဖွဲ့အစည်းတစ်ခု အောင်မြင်တိုးတက်လာရင် “ခေါင်းရှောင်” ဟာ မှန်ကြည့် တတ်တယ်တဲ့။ မှန်ကြည့်တော့ သူ့မျက်နှာ သူမြင်ရတာပေါ့။ အဖွဲ့အစည်းတိုးတက်လာတာ “ငါ့ကြောင့်ကွ” လို့ အမှတ်ယူတတ်တယ်။ သူက အဖွဲ့အစည်းတိုးတက်နေရင်သာ အမှတ်ယူတတ်တာ။ အဖွဲ့ အစည်းအခက် အခဲနဲ့ ပြဿနာတွေကြုံနေပြီဆိုလို့ရှိရင် တာဝန်မယူချင်တော့ဘူး။ ဒီအခါ သူကမှန် ကိုမှောက်ထားပြီး ပြတင်း ပေါက်ကို ဖွင့်ကြည့်ပါတယ်။ ပြီးရင် တွေ့သမျှလူကို တာဝန်လွှဲချလေ့ ရှိတတ်ပါတယ်။ အပြစ်ပုံချလေ့ရှိတတ်ပါတယ်။
ခေါင်းဆောင်ဆိုတာကတော့ သူနဲ့ ဆန့်ကျင်ဘက်ပါပဲ။ အဖွဲ့ အစည်း အောင်မြင်တိုးတက်လာရင် ခေါင်းဆောင်က ပြတင်းပေါက်ကြည့်တယ်။ လူတွေကို အားပေးဂုဏ်ပြုတယ်။ အခုလို အောင်မြင်လာတာ မင်းတို့ကြောင့်လို့ ချီးကျူးတယ်။ အဖွဲ့အစည်းမှာ အခက်အခဲနဲ့ ပြဿနာ တွေ ကြုံလာပြီဆို ရင် ခေါင်းဆောင်ဟာ မှန်ကိုကြည့်ပါတယ်။ ငါ့အဖွဲ့ အတွက် ငါ့မှာ တာဝန်အပြည့် ရှိတယ်ဆိုတာ အမှတ်ရအောင်ပေါ့။ ဒါမှ ခေါင်းဆောင်အစစ်ဖြစ်မှာပါ။ ပြဿနာကြုံ လို့ ခေါင်းရှောင်ပြီး တာဝန်ကို သူများအပေါ် ပုံချတတ်တာ ဟာ ခေါင်းရှောင်ကောင်းတွေ လုပ်လေ့ရှိတဲ့ အချက်ပါ။
အဖွဲ့အစည်းကို ဦးဆောင်တဲ့နေရာမှာ ခေါင်းဆောင်မှု ပုံစံလေးတွေ (Leadership Style) အမျိုးစုံရှိပါတယ်။ ခေါင်းဆောင်ကောင်းတိုင်းဟာ လည်း ကိုယ့်အဖွဲ့အစည်းကို ဘယ်လိုပုံစံ (Style) နဲ့ ဦးဆောင်ရမယ်ဆိုတာ သိရှိနေ ဖို့လိုပါတယ်။ အဖွဲ့အစည်းရဲ့ ရှေ့ဆုံးမှ ဦးဆောင်ခြင်း၊ အလယ်မှ ဦးဆောင်ခြင်း နဲ့ အနောက်က ဦးဆောင်မှုပေးခြင်းဆိုပြီး အကြမ်းဖျင်း အနေနဲ့ မှတ်သားနိုင်ပါ တယ်။
ခေါင်းဆောင်လုပ်သူဟာ အဖွဲ့အစည်းအရှိန်ရလို့ ကောင်းကျိုးတွေနဲ့ တွေ့ ကြုံနေချိန်မှာ အနောက်ကနေ ဦးဆောင်မှုပေးပါတယ်။ အဖွဲ့အစည်းမှာ အခက်အခဲနဲ့ ပြဿနာတစ်စုံတစ်ရာ ကြုံလာပြီဆိုရင်တော့အရှေ့ကိုတက်လာပြီး ရှေ့ ဆုံးက မားမားမတ်မတ်ရပ်တည် ဦးဆောင်ပါတယ်။
ခေါင်းရှောင်သူဆိုတာကတော့ အဖွဲ့အစည်း ကောင်းစားချိန်မှာ ရှေ့ဆုံး ကနေ လက်မထောင်ပြီး လူလုံးပြလေ့ရှိပေမယ့် အဖွဲ့အစည်းမှာ အခက်အခဲ တစ်စုံတစ်ရာကြုံလာတဲ့အခါ နောက်ဆုံးကိုပြေးပြီး ရှောင်ပုန်း တတ်တဲ့သူပါ။ အဓိကကတော့ တာဝန်ယူဖြေရှင်းရဲတတ် သတ်္တိမရှိတာပေါ့။ အဖွဲ့အစည်းအပေါ် စွန့်လွှတ်အနစ်နာခံမယ်ဆိုတဲ့ စိတ်ဓာတ်မရှိ တာပေါ့။ခေါင်းဆောင်ဟာ ကိုယ်အနစ်နာခံပြီး အဖွဲ့အစည်းကောင်းစား အောင်ကြိုးစားတတ် တယ်။ ခေါင်းရှောင်ကတော့ အဖွဲ့အစည်းကို နစ်နာ အောင်လုပ်ပြီး (နင်းတက်ပြီး) ကိုယ်ကောင်းစားအောင် ကြိုးပမ်းအား ထုတ်တတ်တယ်။
တာဝန်ကိုရှောင်ပြီး ကိုယ့်အတွက်ပဲ ကိုယ်ကြည့်တတ်တဲ့ အကြီးအကဲဟာ ဘယ်လိုမှ ခေါင်းဆောင်မတင်ထိုက်တဲ့သူပါ။ ခေါင်းဆောင် မဖြစ်ထိုက်တဲ့ ခေါင်းရှောင်သူဟာ လိပ်လို လူမျိုးပါ။ လိပ်ဟာ ကိုယ့်ဘက်သာ ကိုယ်ယက်တတ်ပြီး အန္တရာယ်အခက်အခဲကြုံလာရင် ခေါင်းကိုဝှက်ထားတတ်ပါ တယ်။ ဒီလိုခေါင်းဆောင်မျိုးဆိုရင်တော့လက်ရှိမှာအဆင့်တစ်နေရာရောက်နေပေ မယ့် မကြာခင်မှာ ခေါင်းဆောင်အဖြစ်က ကျရှုံးမှာဖြစ်ပါတယ်။
ခေါင်းဆောင်လုပ်သူကိုယ်တိုင်က တာဝန်တွေရှောင်၊ ပြဿနာဖြေ ရှင်းမှုတွေ ကို ရှောင်ဖယ်ပြီးနေရင် သူဦးဆောင်နေတဲ့ အဖွဲ့သားတွေ ကိုယ်တိုင်ကလည်း သူ့လိုပဲ ခေါင်းရှောင်တွေဖြစ်လာကြမှာပါပဲ။ ဒီလို ခေါင်းရှောင်သူတွေ အဖွဲ့ အစည်းတွေမှာ ၊ နိုင်ငံတွေမှာ များပြားလာပြီ ဆိုလို့ရှိရင် ဖွံ့ဖြိုးတိုးတက်မှုဆိုတာ ဘယ်တော့မှ ရှိမှာ မဟုတ်တော့ပါဘူး။
ဒါကြောင့် ခေါင်းဆောင်အမည်ခံထားပြီးတာဝန်မယူတတ်တဲ့ ခေါင်းရှောင်သူ မဖြစ်စေဘဲ ခေါင်းဆောင်ကောင်းတွေဖြစ်စေဖို့ ကျင့်သုံးရ မယ့် အချက်လေးတွေ ကို မျှဝေပါရစေ။
၁။ ခေါင်းဆောင်ကောင်းအဖြစ် ယူထိုက်တဲ့ တာဝန်တွေကို သတ်္တိရှိရှိယူရဲပါ။ ဆင်ခြေဆင်လက်တွေပေးပြီး တာဝန်ရှောင်ဖို့ မစဉ်းစားပါနဲ့။ အဖွဲ့အစည်းရဲ့ ကောင်းခြင်း ဆိုးခြင်းဟာ ခေါင်းဆောင်မှာ တာဝန်ရှိ တယ်လို့ ခံယူထားပါ။
၂။ အဖွဲ့အစည်းရဲ့ ပန်းတိုင်အတွက်သာမက နောက်လိုက်ငယ်သားများရဲ့ လိုအပ်ချက်တွေကိုပါ တာဝန်ယူဖြေရှင်းပေးနိုင်သူဖြစ်အောင် ကြိုးစားပါ။ ဒါမှသာ နောက်လိုက်ငယ်သားများက ခေါင်းဆောင်ဖြစ်သူကို ယုံကြည် ကိုးစားလာပြီး ခေါင်းဆောင်ကောင်းအဖြစ် အသိမှတ်ပြုခြင်း ရှိလာမှာဖြစ်ပါတယ်။
၃။ တာဝန်ကို ရှောင်တတ်တာဟာ ခေါင်းဆောင်မှု ကျဆုံးခြင်းရဲ့ လမ်းစဖြစ် တယ်ဆိုတာကို အမြဲသတိတရရှိနေဖို့ လိုအပ်ပါတယ်။
၎။ အဖွဲ့အစည်းရဲ့ ရှေ့ကနေ မားမားမတ်မတ်ရပ်တည်ပြီး အဖွဲ့သားတွေ အားလုံးရဲ့ စံပြပုဂ်္ဂိုလ်တစ်ယောက်ဖြစ်အောင် နေထိုင်ပါ။
၅။ တပည့်မကောင်း ဆရာ့ခေါင်း၊ သားသမီးမကောင်း မိဘခေါင်း ဆိုသလို အဖွဲ့အစည်းမကောင်း ခေါင်းဆောင်ခေါင်းဆိုတာကို သတိရပြီး အဖွဲ့အစည်း အတွက် အနစ်နာခံ ဦးဆောင်နိုင်တဲ့ ခေါင်းဆောင်ကောင်း ဖြစ်ပါစေ။
Let's Fly Together!
ဖူးကျော်ဇင် (Future Wave)

oooooooooooooooooooooo
သူငယ်ချင်းတွေနဲ့ အလုပ်အတူ တွဲလုပ်တော့မယ်ဆိုရင်

(၁) ယုံကြည်မူ ရှိရမယ်

အလုပ်အတူ တွဲလုပ်မယ့် သူငယ်ချင်းကို ယုံကြည်မူ မရှိဘူးဆိုရင် အလုပ်အတူ တွဲပြီးမလုပ်ပါနဲ့။ လုပ်ရင်လည်း အောင်မြင်မှာ မဟုတ်ပါဘူး။ လူတစ်ယောက်နဲ့

တစ်ယောက် အတွက် ယုံကြည်မူဆိုတာ အလွန်ပင် လိုအပ်ပါတယ်။

(၂) သူ့ရဲ့အားနည်းချက်ကို နားလည်ပေးရလိမ့်မယ်

အားနည်းချက်ဆိုတာ လူတိုင်း လူတိုင်းမှာ ရှိတတ်ကြပါတယ်။ ဒါကြောင့် မိမိနှင့် အလုပ်အတူ တွဲလုပ်မယ့် သူငယ်ချင်းမှာ အားနည်းချက် ရှိတယ်ဆိုရင်

နားလည်ပေးမှာသာ အောင်မြင်ပါလိမ့်မယ်။

(၃) မိမိထူးချွန်သော်လည်း တစ်ပါးသူ့ကို မနိမ်ချပါနဲ့

တစ်ချို့က ငါ တော်တာပဲ၊ ငါတတ်တာပဲဆိုပြီး တစ်ပါးသူကို ဆက်ဆံတဲ့ အခါမှာ တစ်ဖက်စောင်းနင်း ပြောဆို ဆက်ဆံတတ်လေ့ရှိတယ်။ တကယ်တော့

အဲလိုမလုပ်သင့်ပါဘူး။ မိမိတော်သော်လည်း အသာစီးကနေ မဆက်ဆံသင့်ပါ။

(၄) မိမိတာဝန်ယူထားတဲ့ အလုပ်ကို တာဝန်ကျေအောင်လုပ်ပါ

မလုပ်နိုင်တဲ့ အလုပ်ကို တာဝန်မယူပါနဲ့။ လုပ်နိုင်တဲ့ အလုပ်ကိုသာ တာဝန်ယူပါ။ တာဝန်ယူပြီးပြီ ဆိုရင်လည်း တာဝန်ကျေပွန်စွာ အလုပ်လုပ်ပါ။

(၅) ဖေးမကူညီပါ

TeamWork နဲ့ အလုပ်လုပ်တဲ့ အခါမှာ မိမိက တာဝန်ကျေပွန်စွာ လုပ်ကိုင် နိုင်သော်လည်း တစ်ပါးသူ အခက်အခဲတွေကို ဖေးမကူညီ နိုင်ရပါလိမ့်မယ်။

သို့မှသာ လုပ်ငန်းအောင်မြင် ပါလိမ့်မယ်။

(၆) မကဲ့ရဲ့နဲ့ အတင်းအဖျင်း မပြောပါနဲ့

ဒီအချက်ကတော့ Team Work နဲ့ အလုပ်လုပ်သူတိုင်း ကြုံတွေရမယ့် အချက် တစ်ခုပါပဲ။ တစ်ယောက် မကောင်းကြောင်းကို တစ်ယောက် ပြောမယ်။

တစ်ယောက် မရှိရင် တစ်ယောက်ကို ကဲ့ရဲ့တာ ပြစ်တင် ဝေဖန်တာတွေ မလုပ် သင့်ပါဘူး။ စိတ်ဓာတ် ကွဲပြားစေတဲ့ အချက်တစ်ခု ဖြစ်ပါတယ်။

Photo by- mgcpuzzles

ကျော်လင်းနိုင် (ရိုးရာလေး)

www.yoyarlay.com

 

0000000000

စိတ်ဓါတ်ခွန်အား (စာပေါ် ကလစ်ပါ)

၀၀၀၀၀၀၀၀၀၀၀၀၀၀၀၀၀၀၀၀၀

ဘဝအတွက် ကြိုးစားနေချိန်မှာ ဒါတွေ ရှောင်ပါ
  မပျင်းနဲ့
ပျင်းရိနေရင် ကိုယ်လိုချင်တဲ့ ပန်းတိုင်တခုကို တော်တော်နဲ့ မရောက်ဘူး။ ပြောတုန်း,စီမံကိန်း
ချတုန်းကတော့ မိုးလားကဲလားနဲ့ တကယ်လည်း လုပ်မယ်ကျတော့ နေပူတယ်၊ မိုးရွာတယ်၊ ဇာတ်ကျောတတ်တယ်၊ ခေါင်းကိုက်တယ်၊ ဖျားတယ်နဲ့ဆို တော်တော်နဲ့ ခရီး မရောက်တော့
ဘူးလေ။ ဒီတော့ မပျင်းဖို့လိုပါတယ်။
မတွေဝေနဲ့
လောကီလူသားပေးပဲ။ တခါခါ ကြိုးစားနေရင်းနဲ့ စိတ်ဓာတ်ကျတဲ့အခါ ကြုံတတ်မယ်။
ငါဘာလုပ်နေတာပါလိမ့်။ ဒါကို လုပ်လိုက်တော့ကော ငါ့အတွက် ဘာထူးလာမှာလဲ။
အဲ့ထက်ဆိုးတာက တခုခုကို ရည်ရွယ်ပြီး လုပ်နေရင်းတန်းလန်း ရည်ရွယ်ချက်ပျောက်သွားတာမျိုးပေါ့။ အဲဒါ တွေဝေတာ။ ကြိုးစားနေသူ တယောက်က မတွေဝေဘူး။
ခဏလေး ပျင်းလို့ ဟိုတွေးဒီတွေး လုပ်လိုက်တာနဲ့ တွေဝေသွားတတ်ပါတယ်။
ဒီတော့ တွေဝေရင် ဘဝခရီး နှောင့်နှေးပါတယ်။
မစိုးရိမ်နဲ့
ဖြစ်တောင်မလာသေးဘူး။ ငါလုပ်ကော လုပ်နိုင်ပါ့မလား။ ငါ့အတွက် လုံလောက်တဲ့Resource တွေ ရှိကော ရှိရဲ့ လား။ လုပ်လိုက်တာတော့ ဟုတ်ပါပြီ။ ရလဒ်က သေချာပါ့မလားအစရှိသဖြင့် စိုးရိမ်စိတ် ဝင်တတ်ကြပါတယ်။ ဒါတွေက မလုပ်ခင် မလျှောက်ခင်ကတည်းက Plan ချထားရမှာလေ။ အဲဒါတွေ မချထားရင်တော့ စိုးရိမ်စိတ်က အမြဲလိုလို ဝင်နေမှာပဲ။
အားမငယ်နဲ့
ငါ့ရဲ့ ဘော်ဒါတွေများ၊ သူတို့တွေများ ဘာတွေဖြစ်ကုန်ပြီ၊ ညာတွေဖြစ်ကုန်ပြီ၊ ငါ့ကျတော့ ဘာမှ ဖြစ်မလာသေးပါလား အစရှိသဖြင့် အားငယ်စိတ်က တော်တော်များများ ဝင်တတ်ကြပါတယ်။ အဲ့လို ဝင်စရာမလိုပါဘူးကွယ်။ သူတို့လည်း ထမင်းစား၊ တို့လည်း ထမင်းစားပေမယ့်ဘဝပေး ကုသိုလ်၊ ကံကြမ္မာကြောင့် သူတို့မြန်မြန် ဖြစ်သွားကြတာပဲ။ (ဘာဖြစ်တာလဲတော့မသိဘူး) ကိုယ်ထက် သူတို့က ဘဝရဲ့အဓိပ္ပါယ်ကို စောစောစီးစီး ရှာမှီးခွင့် ရသွားတယ်လို့ပဲသဘောထားလိုက်။ ဘာကြီးဖြစ်မှ၊ ညာကြီးဖြစ်မှ အောင်မြင်တယ်လို့ မခေါ်ဘူး။ ကိုယ်ကျင်လည်နေရတဲ့ အခြေအနေထဲမှာ စိတ်အကျေနပ်ဆုံး အကောင်းဆုံး ဖန်တီးလိုက်နိုင်ခြင်းက လည်း အောင်မြင်ခြင်းတမျိုးပဲ။ ပြီးတော့မှ နောက်တဆင့်တက်ပေါ့။ ဒီတော့ တွေးပြီး အားငယ်နေမယ့်အစား သူတို့ထက် ပိုပြီး ကြိုးစားဖို့ အားရှိနေလို့ နောက်ကျ တယ်ဆိုတဲ့ ခံယူချက်ထားရပါမယ်။ လုံးဝ အားမငယ်ပါနဲ့။
အချစ်ဆိပ် မတက်နဲ့
ထူးဆန်းတယ်ဟုတ်။ မထူးဆန်းပါဘူး။ ပတ်ဝန်းကျင်မှာ တွေ့နေရလို့ပါ။ လူတွေက ကြိုးစားနေရင်းနဲ့ အရမ်း Romantic ဆန်သွားရင် ရောင့်ရဲသွားတတ်ကြပါတယ်။ တော်ပြီလေ။
တူနှစ်ကိုယ် တဲအိုပျက်မှာ နေရတာမျိုးမဟုတ်တောင် တိုက်ခန်းလေး တလုံးနဲ့ နေရရင်ပြီးပါပြီ ဆိုတာမျိုးနဲ့ ဘဝရည်မှန်းချက်တွေကို အတိုက်စားခံလိုက်ကြတယ်။ Love ဆိုတာကြီးကThe Whole Life မဟုတ်ပါဘူး။ Just a part of life ပါလေ။
စိတ်ညစ်နေတုန်း အားပေးဖော်လေးရှိ၊ ပင်ပန်းနေတုန်း ရေတိုက်မယ့်သူရှိတာက
ကောင်းပေမယ့် ဘယ်သွားသွား ခြေတောက်မှာ တွဲပါနေမယ့် ကျောက်ခဲတုံးကြီး
ဖြစ်နေရင်တော့ လုံးဝ မကောင်းဘူး။
စိတ်နှလုံး ယာယီပျော်ရွှင်မှုအတွက် အတ္တစိတ် နည်းဖို့အတွက် ပေးဆပ်တယ်ဆိုတဲ့ အချစ်မျိုးက လိုအပ်တာတော့ ဟုတ်ပါတယ်။ သို့ပေမယ့် အလုပ်လုပ်နေလည်း ဖုန်းတွေဆက်၊ ညအိပ်လည်းဆက်၊ မအိပ်လည်းဆက်၊ တပတ်မှာ ၇ ရက်တွေ့၊ တွေ့တော့..၂၄ နာရီ၊ ၈ နာရီကအပြင်မှာ၊ ၈ နာရီက အွန်လိုင်းမှာ အိပ်ချိန်တောင် ညက အိပ်မက်ဆိုး မက်လို့ ကိုကို့ကိုသတိရလုိ့ပါ ဘာညာနဲ့ မိမိရဲ့ တိုးတက်ချင်တဲ့ စိတ်ကလေးတွေ ရောင့်ရဲသွားကြမှာ အမှန်ပါပဲ။
ဒီတော့ ချစ်တော့ ချစ်နိုင်ပါတယ်။
သို့ပေမယ့် Target တခုထားပြီး ကြိုးစားနေစဉ် ကာလမှာ အဆိပ်တော့ မတတ်ပါနဲ့။
ဖြေဆေးမရှိပါဘူး။ ကြိုးစားနေတဲ့ လူငယ်တွေအတွက် ကျရှုံးစေမယ့် အကြောင်းပြချက်တခု ဖြစ်ပါတယ်။
အပျော် မမက်နဲ့
စိတ်ထွက်ပေါက်၊ စိတ်ထွက်ပေါက်ဆိုပြီး ဘော်ဒါတွေနဲ့ သောက်လိုက်မယ်။ စားလိုက်မယ်။
ကဲလိုက်မယ်။ လုပ်တော့ လုပ်ပေါ့။ ဒါကိုလည်း Limit လေးတော့ ထားလေ။ ကိုယ်လက်ရှိလုပ်နေတဲ့ လုပ်ငန်းဆောင်တာတွေကို ပျက်ပြားလောက်အောင် အပျော်တွေ အရမ်းများနေရင်လည်း မကောင်းဘူး။ ပြီးတော့မှ ငါ့ကို အရက်ဝိုင်းတိုက် ကောင်တွေ သူတို့ကျတော့Project ပြီးသွားပါလားဟ ဆိုပြီး နောင်တတွေ ရနေလိမ့်မယ်။ အချို့ က ကိုယ့် အောင်မြင်မှုအတွက် တဖက်သားကို လမ်းလွဲအောင်လုပ်ဖို့ ဝန်မလေးဘူး။ ဒီတော့ ကိုယ့်ကိုအချိုသတ်ပြီးဆီဆမ်း ပဲဆီနံ့လေး မွေးလိုက်တာလို့ ရေရွတ်နေရင်း ဘဝပျက်သွားပါမယ်။ အချို့ ကျတော့လည်း ဘယ်သူမှ မဖျက်ပဲ ကိုယ်တိုင် ဝါသနာနဲ့ကို ပျော်တတ်တာလည်း ရှိတယ်လေ။
Limit လေးနဲ့တော့ ကဲကြပေါ့။ ဣနြေ္ဒရရလေး ပျော်နိုင်ပါတယ်။
ဒါနဲ့ ထပ်လောင်းပြောချင်တာက ကြိုးစားနေတဲ့ ဘဝရဲ့  အရသာဆိုတာဟာလည်းပန်းတိုင်ရောက်မှ ခူးဆွတ်ရမှာ မဟုတ်ပါဘူးနော်။ အသီးမသီးသေးပေမယ့် အရွက်တွေခူးပြီး ဟင်းစားလုပ်နိုင်ပါသေးတယ်။ တခါတလေကျ ကြိုးစားနေရင်းနဲ့ အချို့ ကQuality of Life ကို မေ့သွားကြတယ်လေ။ ဒီတော့ အောင်မြင်မှုအတွက်
ပန်းတိုင်ကို ထားရှိပေမယ့် ပျော်ရွှင်မှုအတွက်ကတော့ စက္ကန့်တိုင်းဟာ ပန်းတိုင်ပါပဲ။

၀၀၀၀၀၀၀၀၀၀၀၀၀၀၀၀၀

သင့်ကိုယ်သင် ဘယ်လို ထင် ၊

ဗစ်တာဆိုတဲ့ (၁၅) နှစ်အရွယ် လူငယ်တစ်ယောက်ကို သူ့ဆရာက “မင်းဟာ အလကားလူပဲ၊ မင်းဒီလိုပုံစံနဲ့ဆိုရင် ဘယ်တော့မှ ကျောင်းပြီးမှာ မဟုတ်ဘူး”လို့ ပြောခဲ့ပါတယ်။ ဒါနဲ့ပဲသူဟာ စိတ်ဓာတ်တွေကျပြီး ကျောင်းကထွက်လိုက်ပါတယ်။ သူ့ဆရာကောက်ချက်ချခဲ့သလို သူ့ကိုယ်သူ အလကားလူ၊ အသုံးမကျတဲ့လူလို့မြင်နေခဲ့တယ်။ ဒီလိုနဲ့ပဲ သူဟာ(၁၇)နှစ်လုံးလုံး ဟိုစပ်စပ်ဒီစပ်စပ်နဲ့အလကား လူလိုလုပ်နေခဲ့ပါတယ်။
သူ့အသက် (၃၂) နှစ်အရွယ်ရောက်တဲ့အခါမှာဆန်းစစ်ချက်အရ သူ့မှာဉာဏ်ရည်ပြကိန်း(၁၆၁) ရှိတာကိုသူသိလိုက်ရတယ်။ အလကားလူလို့ သူ့ကိုယ်သူအမြဲတမ်းမြင်နေတဲ့ဗစ်တာ ဘာဖြစ်သွားမယ်လို့ထင်ပါသလဲ။ သူဟာ သူ့ကိုယ်သူပါရမီရှင် တစ်ယောက်လိုပဲ မြင်ယောင်လာခဲ့ပါတယ်။ ဒီတော့သူဟာ တကယ့်ပါရမီရှင်တစ်ယောက်လို နေထိုင်တယ်။ လုပ်ဆောင်ပြုမူတယ်။
သူ့အမြင် စတင်ပြောင်းလဲသွားတဲ့အချိန်က စပြီးစာအုပ်ပေါင်းများစွာ
ကိုရေးတယ်။ တီထွင်မှုတွေကို ပြုလုပ်တယ်။ နှစ်အနည်းငယ်အတွင်းမှာ
အောင်မြင်တဲ့ စီးပွားရေး လုပ်ငန်းရှင်ကြီးတစ်ယောက် ဖြစ်လာခဲ့တယ်။
ကျောင်းမပြီးဘဲ၊ ကျောင်းထွက်ခဲ့ရတဲ့လူတစ်ယောက်က နောက်ဆုံးမှာ အများလေးစားအားကျရတဲ့ ပါရမီရှင် တစ်ယောက်၊ ထူးချွန်တဲ့လူတစ်ယောက်ဖြစ်လာခဲ့တယ်။
သူ့ကိုယ်ထဲမှာ ထူးခြားတဲ့ စွမ်းရည်တွေ၊ ဉာဏ်ရည်တွေဆိုတာ နဂိုကတည်းက ရှိနေပြီးသားပါ။ ဒါပေမဲ့ (၁၇)နှစ်လုံးလုံး အလကား လူတစ်ယောက်လို ယောင်လည်လည် ဖြစ်နေခဲ့တာ သူ့ကိုယ်သူအလကား လူလို့ မြင်နေတဲ့အမြင်ကြောင့်ပါ။ နောက်ဆုံးမှာ ဗစ်တာအနေနဲ့
ပြောင်းလဲအောင်မြင်သွား တာဟာ တခြားကြောင့် မဟုတ်ပါဘူး။
သူ့ကိုယ်သူ ရှုမြင်တဲ့အမြင်ပုံစံပြောင်း လဲသွားလို့သာ ဖြစ်ပါ တယ်။ ဒီလိုအမြင်ပုံစံပြောင်းလိုက်တာနဲ့ သူထပ် ဆောင်းရရှိလိုက်တာကတော့မိမိကိုယ် မိမိယုံကြည် မှုသာဖြစ်ပါတယ်။
ဗစ်တာရဲ့ဘ၀ဖြစ်စဉ်လေးကို ဖတ်ရှုမိတဲ့အခါမှာ ကျွန်တော်စဉ်းစား မိပါတယ်။ ဗစ်တာ့လိုမျိုး အလကားလူ၊ အသုံးမကျတဲ့လူလို့ အပြောခံလိုက်ရလို့
သူတို့ကိုသူတို့အလကားလူလို့မြင်ပြီး အလကားလူလို လျှောက်သွားနေကြ တဲ့သူတွေ လောကမှာ ဘယ်လောက်များများရှိနေလိမ့်မလဲလို့ တွေးစရာ
ဖြစ်လာပါတယ်။ ဒီဇာတ်လမ်းမှာ ကျွန်တော်တို့ အတွက် အဓိကရရှိလိုက်တဲ့ သင်ခန်းစာ ကတော့ ကိုယ့်ကိုယ်ကိုယ်မြင်တဲ့အမြင်ဟာ ဘယ်လောက် အရေးပါသလဲဆိုတာနဲ့ အဲ့ဒီအမြင် ပြောင်းလဲသွားတဲ့အခါဘ၀ရဲ့
ရလဒ်တွေလည်း ပြောင်းလဲသွားနိုင်တယ်ဆိုတဲ့အသိပါပဲ။
ဒီတော့သင်ရောကိုယ့်ကိုယ်ကိုယ် ဘယ်လိုမြင်ပါသလဲ။ သင့်ရဲ့အမြင်ဟာ သင့်ဘ၀အတွက် အရမ်းကို အရေးပါတဲ့ကိစ္စတစ်ခု ဖြစ်ပါတယ်။ သင့်ကိုယ်သင် မြင်တဲ့အမြင်က ထိပ်ဆုံးကိုလည်း ရောက်အောင်ပို့နိုင်သလို
အောက်ဆုံးကိုလည်း ရောက်အောင် တွန်းချနိုင်ပါတယ်။ သင့်ကိုယ်သင် အောင်မြင်သူလူသားတစ်ယောက်အဖြစ် မြင်နေ မယ်ဆိုရင်
သင်ဟာလုံးဝအောင်မြင်လာနိုင်ပါတယ်။ သင့်ကိုသင်အလကား လူလို့မြင်နေရင်လည်းသင်ဟာ အလကားလူဖြစ်လာမှာပါပဲ။ အလကားလူဆိုတဲ့ ဘ၀ကနေ ပါရမီရှင်ဘ၀အဖြစ်ကို ပြောင်းလဲပေးနိုင်ဖို့ ခြေတစ်လှမ်းသာ
လိုပါတယ်။ သင့်အမြင်ဟာ သင့်ဘ၀ပါပဲ။ သင့်အမြင်လေး တစ်ချက်ပြောင်း လိုက်တာနဲ့ သင့်ဘ၀ကလည်း လုံးဝပြောင်းသွားမှာ ဖြစ်ပါတယ်။
ကိုယ့်ကိုယ်ကိုယ်မြင်တဲ့အမြင်ဟာ ကိုယ့်စိတ်အတွင်းထဲကို ပုံရိပ်တွေအဖြစ် ၀င်ရောက်ကိန်းအောင်းပြီး ခြယ်လှယ်တတ်ပါတယ်။ ဥပမာ - ပျဉ်ပြားတစ်ချပ်ကို ကြမ်းပြင်မှာချခင်းထားပြီး လမ်းလျှောက်မယ်ဆိုလွယ်ကူပေမယ့်(၁၀)ထပ် အမြင့် ရှိတဲ့ အဆောက်အဦ နှစ်ခုကြားမှာ ခင်းထားပြီး လျှောက်မယ်ဆိုရင်တော့ အတော်ခက်ခဲမယ့်ကိစ္စ ဖြစ်ပါတယ်။ တကယ်တော့လွယ်ကူတယ်၊ ခက်ခဲ တယ်ဆိုတာကိုယ်မြင်တဲ့အမြင်နဲ့ သက်ဆိုင်နေပါတယ်။
ကြမ်းပြင်ပေါ်မှာခင်းထားရင် အလွယ်တကူ လျှောက်လှမ်းနိုင်တယ် လို့မြင်တဲ့အတွက် သက်သောင့်သက်သာ လမ်းလျှောက်နိုင်တာဖြစ်ပြီး အဆောက်အဦးနှစ်ခုကြားမှာခင်းထားတဲ့ ပျဉ်ပြား ပေါ်တက်လျှောက်ဖို့ကြတော့ အခန့်မသင့်လိမ့်ကျသွားနိုင်တယ်လို့မြင်တဲ့အတွက်စိတ်ထဲမှာ ကြောက်စိတ်၊ စိုးရိမ်စိတ်ဝင်ပြီး ခက်ခဲသွားတာဖြစ်ပါတယ်။
ကျွန်တော့်သင်တန်းက သင်တန်းသားတွေကို စင်မြင့်ထက်မှာ စကားတက်ပြောခိုင်း တဲ့အခါ ဒီသဘာဝတွေကို အမြဲတွေ့မြင်နေကျပါ။ လူထုရှေ့ စင်မြင့်ထက်မှာစကားပြောဖို့ ဖိတ်ခေါ်ခံရတော့မယ့် သင်တန်းသား တချို့ရဲ့ရင်ထဲမှာသူတို့ အဆင်မပြေ ဖြစ်တဲ့ပုံတွေ၊ ကြောက်ဒူးတုန်ပြီး
ချွေးပြန်နေတဲ့ ပုံတွေ၊ ပြောစရာစကားတွေမေ့ပြီး ရှက်ကိုးရှက်ကန်း
ဖြစ်နေတဲ့ပုံရိပ်တွေကို မြင်ယောင်နေတတ်ကြပါတယ်။ ဒီအမြင်တွေရဲ့ ရလဒ်ဟာစင်ပေါ်ကို ရောက်တဲ့အခါပေါ်တော့တာပါပဲ။ သူတို့ကိုယ်သူတို့ ကြိုတင်မြင်ထားတဲ့အတိုင်းစင်ပေါ်မှာ တကယ်ဖြစ်လာ ကြတယ်လေ။
ဟုတ်ပါတယ်။ ကိုယ့်ကိုယ်ကိုယ် မြင်တဲ့အမြင်ကို စိတ်ကအဆုံး အဖြတ်ပေးပြီး တကယ့်အရှိတရား တွေဖြစ်လာအောင်ဖန်တီးပေးတာပါ။
ကြောက်စိတ်တွေဝင်နေရင်ကြောက်တဲ့အတိုင်း တကယ်ဖြစ်လာတယ်။ စိုးရိမ်စိတ်တွေဝင်နေရင် စိုးရိမ်နေတဲ့အတိုင်း တကယ်ဖြစ်လာတတ်တယ်။ ဒီလိုပါပဲ ယုံကြည်စိတ်တွေဝင်နေရင်တော့ယုံကြည်တဲ့အတိုင်း တကယ်ဖြစ်လာမှာပဲပေါ့။ အလုပ်ခွင်မှာ အမှားတွေလုပ်မိပြီး ဆုံးရှုံးမှုတွေကြုံလာတဲ့အခါ "ဟူး၊ ဒီလိုဖြစ်မယ်လို့တော့ ငါထင်သားပဲ” ဆိုပြီးပြောတတ်ကြတာကို သတိထားကြည့်ပါ။ ကိုယ်ထင်မြင်နေတဲ့ အရာတွေဟာ တကယ်ဖြစ်လာမှာပဲပေါ့။

JOB seekers တို့ရေ....နောက်ထပ် ဆရာက အောင်မြင်မှုနဲ့ ပျော်ရွှင်မှုတွေ ရရှိနိုင်အောင် ကိုယ့်ကိုယ်ကိုယ် ရှုမြင်ပုံများအား ဥပမာပေးဖော်ပြထားပုံများကို ဆက်လက်သိရှိလိုပါက JOB seekers Journal, Vol.3, No.34 တွင် ဆက်လက်လေ့လာဖတ်ရှုနိုင်ပါတယ်နော်.


၀၀၀၀၀၀၀၀၀၀၀၀၀၀၀၀၀၀၀၀၀
 
သွားတိုက်ဆေးအသုံးဝင်ပုံလေးတွေပါ

 

(၁)ရေစက်ခေါင်းတွေ ပြောင်လက်တောက်ပချင်ရင် အဝတ်စမှာ သွားတိုက်ဆေးနည်းနည်းထည့်ပြီး ပွတ်တိုက်ပေးနိုင်ပါတယ်။

(၂)မျက်နှာသစ်ဘေစင်၊ ရေချိုးဘေစင်တွေပြောင်လက်ချင်ရင် ဖောမှာ သွားတိုက်ဆေး နည်းနည်းထည့်ပြီး ဆေးကြောပေးနိုင်ပါတယ်။

(၃)အဝါရောင်သမ်းနေတဲ့ အိမ်သုံးပစ္စည်းတွေကို အဝတ်စမှာ သွားတိုက်ဆေး နည်းနည်းထည့်ပြီး ပွတ်တိုက်ပေးရင် အရောင်လက်စေပါတယ်။

(၄)မီးဖိုပေါ်က မည်းညစ်နေတဲ့ ဆီချေးတွေကို ရေနွေးနဲ့အရင်လောင်းပြီး သွားတိုက်ဆေးထည့်ထားတဲ့ အဝတ်စနဲ့ပွတ်တိုက်ပေးနိုင်ပါတယ်။

(၅)ငါးကိုင်ပြီးနောက် လက်မှာငါးညှီနံ့တွေ စွဲနေရင် သွားတိုက်ဆေးနဲ့ ဆေးပေးနိုင်ပါတယ်။

(၆)လက်မှာဆီချေး၊ ဆေးကြောရခက်တဲ့ ဆီ၊ မင်တွေစွန်းပေခဲ့ရင် သွားတိုက်ဆေးနဲ့ ပွတ်တိုက်ဆေးကြောနိုင်ပါတယ်။

(၇)အင်္ကျီလက်ဝ၊ ကော်လံတွေမှာ ချေးတွေပေးပြီး ဆေးကြောရခက်ခဲ့ရင် သွားတိုက်ဆေးအရင်ပွတ်ပေးပြီး ဆေးကြောပေးနိုင်ပါတယ်။

(၈)စီးတာကြာလို့ အဝါရောင်သမ်းလာတဲ့ ဖိနပ်အဖြူရောင်တွေကို အရင်ဆေးကြောပြီး သွားတိုက်ဆေးနဲ့ ပွတ်တိုက်ဆေးကြောပေးနိုင်ပါတယ်။

(၉)လက်နှိပ်ဓာတ်မီး အသုံးကြာလို့ အလင်းပြန်တဲ့မျက်နှာပြင် ဝါသွားခဲ့ရင် သွားတိုက်ဆေး ၃~၅မိနစ်ခန့် ပွတ်ထားပြီး အဝတ်စနဲ့သုတ်ပေးနိုင်ပါတယ်။

(၁ဝ)မတော်တဆအပူလောင်တဲ့ ဒဏ်ရာကို သွားတိုက်ဆေးပွတ်ပေးရင် အနာသက်သာစေနိုင်ပါတယ်။ သွေးထွက်တဲ့ဒဏ်ရာတွေကို သွားတိုက်ဆေးနဲ့ အရင်ဆေးကြောပြီး ထပ်ပွတ်ထားပေးရင် အနာခြောက်လွယ်စေပါတယ်။

(၁၁)တူးနေတဲ့မီးပူအောက်ခြေ ပြောင်လက်ချင်ရင် သွားတိုက်ဆေးနဲ့ ပွတ်တိုက်ပေးနိုင်ပါတယ်။

(၁၂)ရောင်အမ်းတဲ့ အနာတွေ အရောင်လျော့ချင်ရင် သွားတိုက်ဆေး လိမ်းထားပေးနိုင်ပါတယ်။

(၁၃)မိုးဒဏ်၊ လေဒဏ်ကြောင့် အရောင်လွင့်နေတဲ့ ကားတံဆိပ်တွေ ပြောင်လက်ချင်ရင် သွားတိုက်ဆေး ပွတ်တိုက်ပေးနိုင်ပါတယ်။ ခြစ်ရာရှိတဲ့ ကားမှန်၊ ကားဘော်ဒီတွေကိုလည်း သွားတိုက်ဆေးပါတဲ့အဝတ်နဲ့ မိနစ်အနည်းငယ်ကြာပွတ်တိုက်ပေးပြီး အဝတ်သန့်နဲ့ ထပ်ပွတ်တိုက်ပေးနိုင်ပါတယ်။

(၁၄)အိမ်နံရံပေါ်က ကလေးတွေဆွဲခြစ်ထားတဲ့ ခဲတံ၊ ဘောလ်ပင်၊ မြေဖြူ အရစ်အကြောင်းခြစ်ရာတွေ ဖျက်ချင်ရင် အဝတ်စမှာ သွားတိုက်ဆေးထည့်ပြီး အလွယ်တကူဖျက်နိုင်ပါတယ်။

(၁၅)လက်ပတ်နာရီမှန်ခွက်ပေါ်က အရစ်အကြောင်းပျောက်ချင်ရင် သွားတိုက်ဆေးနဲ့ ပွတ်တိုက်ပေးနိုင်သလို စီတီခွေမျက်နှာပြင်က အရစ်အကြောင်းတွေကိုလည်း သွားတိုက်ဆေးပွတ်ပြီး မိနစ်(၂ဝ)ကြာပွတ်တိုက်ပေးရင် အရစ်တွေပျောက်နိုင်ပါတယ်။

(၁၆) မည်းညစ်နေတဲ့ မှန်တွေကိုလည်း သွားတိုက်ဆေးနဲ့ ပွတ်တိုက်နိုင်ပါတယ်။

(၁၇) နံရံပေါ် ပန်းချီကားတွေကို သွားတိုက်ဆေးနဲ့ ကပ်ရင် ပိုခိုင်ခန့်တဲ့အပြင် နံရံကိုလည်း မပျက်ဆီးစေပါဘူး။ ပန်းချီကားကို နံရံပေါ်ကခွါချင်ရင် ကပ်ထားတဲ့နေရာကို ရေဆွတ်ပြီး အလွယ်တကူခွါနိုင်ပါတယ်။

သွားတိုက်ဆေးကို သွားဖြူဖွေးသန့်ရှင်းဖို့ အသုံးပြုရုံတင်မက အထက်ကနည်းအတိုင်းလည်း စမ်းသပ်အသုံးပြုနိုင်ပါတယ်။ လက်တွေ့မသုံးဖူးတော့ မှန်မမှန်မသိပါဘူး။ အီးမေးလ်ကရတဲ့ သွားတိုက်ဆေးအသုံးဝင်ပုံကို ဘာသာပြန်လိုက်ပါတယ်။ မေးလ်ပို့ပေးတဲ့ ထိုင်ဝမ်ကသူငယ်ချင်းကို ကျေးဇူးတင်ပါတယ်။

နိုင်းနိုင်းစနေမှ ပြန်လည်မျှဝေပါသည်။ (မသိသေးသူများအတွက်ပါ)

၀၀၀၀၀၀၀၀၀၀၀၀၀၀၀၀၀၀၀၀၀

*** အိမ်ရှင်မ လမ်းညွှန် ***

 
အိမ်ဦးခန်းဘုရားစင်ဝေယျာဝစ္စမှစ၍၊ အိမ့်နောက်ဖေးမီးဖိုချောင်မကျန်၊
ရေချိုးခန်း(သန့် စင်ခန်း)အဆုံး အိမ်ရှင်မတစ်ဦး၏ တာဝန်များမှာ
မရေမတွက်နိုင်အောင် များပြားလှပါတယ်။ ဒါကြောင့်လည်း ရှေးလူကြီးများက
“အိမ်မှုကိစ္စဝေယျာဝစ္စ” ရယ်လို့  အမည်တပ်ခဲ့ကြပါတယ်။ နေ့ တဓူဝကြုံတွေ
့နေရတဲ့ သမရိုးကျအိမ်ထောင့်တာဝန်များကို
ပုံမှန်နည်းဖြင့်ဖြေရှင်းနိုင်သော်လဲ၊ တခါတရံ မထင်မှတ်တဲ့ အခက်အခဲ
လေးတွေအတွက် ဖြတ်ထိုးဥာဏ်သုံးတတ်ဖို့ လိုပါတယ်။
(၁) အိမ်ကသမီးလေးက ကိုရီးယားမင်းသလေးလို ဆံပင်တောက်ပြောင်ချောမွေ
့ချင်လိုက်တာ မေမေရယ်လို့ ပူဆာလာခဲ့ရင်၊ ရှာလကာ ရည် လ္ဘက်ရည်ဇွန်း
၁-ဇွန်းထဲ့ပြီး ခေါင်းလျှော်ခိုင်းလိုက်ပါ။
(၂) ခင်ပွန်းမှာ ဂျိုင်းမွေးရိတ်ကရင်မ် ကုန်နေခဲ့လျှင်၊ အရေးပေါ်အဖြစ်
ဆံပင်ပေါင်းဆေး (conditioner) ပေးသုံးလိုက်ပါ။ ဂျိုင်းမွှေးရိတ်ရ
လွယ်ကူသလို အသားအရေလည်း ချောမွေ့ သွားစေပါတယ်။
(၃) မိတ်ကပ်ဖျက်ဆေးဗူး အထားမှားလို့ အလွယ်တကူရှာမတွေ့ ခဲ့ရင်၊
ခေါင်းလိမ်းတဲ့သံလွင်ဆီ နှင့်ဖျက်ပါ။ (မျက်လုံးထဲမ၀င်ပါစေနဲ့ )
(၄) မီးပူတိုက်ရင်း (သို့ မဟုတ်) ချက်ပြုတ်ရင်း မတော်တဆ
အပူလောင်ပြီးအရည်ကြည်ဖုပေါက်ခဲ့ရင်၊ ငံပြာရည် (သို့ ) pepsodent သွား
တိုက်ဆေး (သို့ ) အာလူးထက်ခြမ်းခြမ်းကပ် (သို့ ) ဆရာစိုင်းလိမ်းဆေး (သို
့) ဆေးဖယောင်းချပ်ကပ်ပါ။
(၅) ဖိနပ်သဲကြိုးရာ ခြေထောက်မှာစွဲကျန်နေလို့ စိတ်မညစ်ပါနဲ့  ရှာလကာရည်
ပွတ်လိမ်းပေးပါ။
(၆) တစ်စုံတစ်ယောက်အတွက် လက်ဆောင်ပစ္စည်းဝယ်ထားပြီး၊
ဈေးနှုန်းတန်ဘိုးမသိစေချင်ပါသော်လဲ၊ အချို့ ပစ္စည်းများတွင် ဈေးနှုန်းတံ
ဆိပ်ကို လုံးဝခွာမရဖြစ်နေတတပါတယ်။ ဆံပင်အခြောက်ခံစက်ကို မီးအားမြှင့်၍
အပူပြင်းပြင်းမှုတ်ထုတ်လိုက်ပါ။
(၇) ရေခဲတုံးသန့် သန့့်လိုချင်ရင်၊ ရေနွေးပူပူကို အအေးခံပြီးမှ ရေခဲ ခဲပါ။
(၈) သံပုရာသီးအလုံးထဲက သံပုရာရည်များ ကုန်စင်အောင်ညှစ်ချင်ပါရင်၊
ဦးစွာသံပုရာသီးကို တနာရီခန့် ကြိုတင်၍ ရေနွေးစိမ်ထားပါ။
(၉) ဟင်းလျာများနှင့် အသုပ်များအတွက် ဂေါ်ဖီထုပ်က
စိမ်းစော်နံပျောက်စေအောင်၊ မချက်ပြုတ်ခင် ဂေါ်ဖီထုပ်ပေါ် ပေါင်မုန့် တချပ်
လောက် တင်ထားလိုက်ပါ။
(၁၀) ပီကေ၀ါးရင်း ကြက်သွန်နီလှီးရင် မျက်ရည်လုံးဝမကျစေတော့ပါဘူး။
(၁၁) အာလူးပြုတ်မြန်မြန်နူးစေချင်ရင်၊ ရှေးဦးစွာ အာလူးစိမ်းရဲ
့တစ်ဘက်စွန်းစီကို အခွံအနည်းငယ်နွှာပြီးမှ ပြုတ်ပါ။
(၁၂) ကန်စွန်းဥပြုတ်များ အခွံနွှာရ လွယ်ကူအောင်၊
ပြုတ်ပြီးသားကန်စွန်းဥပူပူကို ရေအေးထဲစိမ်ထားလိုက်ပါ။
(၁၃) ကြက်ဥ/ဘဲဥပြုတ်များ အခွံခွာရလွယ်ကူအောင် ဆားထဲ့ပြုတ်ပြီး၊ ကျက်ရင်
ကြက်ဥ/ဘဲဥအချင်းအချင်း ခပ်သာသာ အခွံမာများအက် သွားတဲ့ထိရိုက်ပေးပြီး
ရေအေးထဲစိမ်ပါ။
(၁၄) အချိန်အတော်ကြာ အသုံးပြုလာခဲ့တဲ့ Coffee Maker (ခေါ်)
ကော်ဖီဖျော်အိုးများ ကော်ဖီဂျိုးတူးနံ့ စွဲလာတတ်ပါတယ်။ အဲဒီအခါ
ကော်ဖီဖျော်အိုးထဲ ရှာလကာရည်တခွက်ထဲ့ကာ ရေအပြည့်ဖြည့်ပြီး၊
နာရီဝက်လောက်အပူပေးနှပ်ထားပါ။ ပြီးရင် ရေသန့် ထဲ့တည်၍ နောက်ထပ်
နာရီဝက်လောက်တည်ပါ။ ဤနည်းတိုင်း ဒုတိယအကြိမ် ရေသန့် ထပ်တည်ပါ။
ကော်ဖီဂျိုးတူးနဲ့ ပျောက်ပြီး၊ အနံ့ အရသာ ရှိသော ကော်ဖီဖျော်လို့ ရပါပြီ။
(၁၅) ပန်းကန်ဆေးဘေစင်ပိတ်ဆို့ နေလို့ စိတ်မညစ်ပါနှင့်။ မုန့် ဖုတ်ဆော်ဒါ
၁-ဆ ကို ရှာလကာရည် ၂-ဆ ရောဖျောပြီး ရေပိုက်တ လျှောက်လောင်းထဲ့ပါ။ မိနစ်
၂၀ အကြာမှာ ရေနွေးဆူဆူများလောင်းချပေးခြင်းဖြင့် ပိတ်ဆို့ နေမှုများ
လျောဆင်းသွားပါလိမ့်မယ်။
(၁၆) သစ်သားစားပွဲခုံပေါ်မှာ အအေးခွက် (သို့ မဟုတ်) ရေနွေးခွက်
တင်တာကြာသွားရင် အဖြူရောင် အကွက်များစွန်းကျန်လာပါတယ်။ ဟင်းချက်ဆီနဲနဲကို
ဆားရော၍ပွတ်တိုက်ပြီး၊ နောက်တနာရီခန့် အကြာ ချည်တည်အ၀တ်ပါးဖြင့်
ပွတ်ပေးလိုက်ပါ (သို့ မဟုတ်) ရေနံချေး ဖြင့်ပွတ်တိုက်ပြီးနောက် ၂၄
နာရီခန့် အကြာ ချည်ထည်အ၀တ်ပါးဖြင့် ပွတ်ပေးလိုက်ပါ။
(၁၇) ချက်ပြုတ်ခဲ့တဲ့ ဟင်းလျာတွေ ဖိတ်စဉ်ကျလို့  မိုက်ကရိုဝေ့ဖ်မီးဖိုမှာ
အစွန်းအထင်းများညစ်ပတ်နေခဲ့ပါလျှင်၊ မိုက်ကရိုဝေ့ဖ်မီးဖိုထဲမှာ
ရွှဲရွှဲစိုနေသော ရေမြှုပ်ထဲ့၍ ၂-မိနစ်လောက်ပြုတ်ပါ။ ထို
့နောက်မီးခလုတ်ပိတ်ပြီး ၅ မိနစ်လောက်နေမှ ရေမြှုပ်ကိုထုတ်ယူပါ။
ပြီးရင်အဲဒီ ရေမြှုပ်ဖြင့် ဟင်းလျာအစွန်းအထင်းများကို
လွယ်ကူစွာသုတ်သင်နိုင်ပါပြီ။ (သို့ မဟုတ်) သံပုရာတစ်လုံးကို
ပါးပါးလှီးပြီး၊ မိုက်ကရိုဝေဖ့်ပြား ပေါ်တင်ကာ၊ ရေ လ္ဘက်ရည်ဇွန်း
၁-ဇွန်းလောင်းပြီး မီးဖိုကိုဖွင့်ပါ။ သံပုရာသီစိပ်များပူလားပြီး၊
အထဲမှာအငွေ့ ပျံလာတဲ့အခါ တစ်ရှုးဖြင့် အစွန်းအထင်းများကို ပွတ်လိုက်ပါ။
လုံးဝသန့် စင်သွားပါမည်။
(၁၈) ရေခဲသေတ္တာဖွင့်လိုက်တဲ့အခါ အနံ့ ဆိုးများထွက်နေပါသလား။ မုန်
့ဖုတ်ဆော်ဒါဗူးကို အဖုံးဖွင့်ထဲ့ထားပေးပါ။ ဆော်ဒါကအနံ့  ဆိုးများကို
စုပ်ယူပေးပါလိမ့်မယ်။ အဲဒီမုန့် ဖုတ်ဆော်ဒါဗူးကို ၃-လတစ်ကြိမ်
အသစ်လဲပေးပါ။ အကယ်၍အနံ့ ဆိုးများမပျောက်သေးဘူး ဆိုရင်တော့ မုန
့်ဖုတ်ဆော်အနည်းငယ်ကိုရေဖျော်ပြီး ရေခဲသေတ္တာအနှံ့ ဆေးကြောပေးပါ။
(၁၉) ကန်စွန်းရွက် နှင့် ချဉ်ပေါင်ရွက်တို့ ကို လက်မ၊ လက်ညှိုးတို
့ဖြင့်ဆိတ်ထွှင်ခြင်းကြောင့် ၄င်းအရွက်များရှိ သဘာဝ အစေးများက လက်သည်းကို
မည်းစေပြီး အရုပ်ဆိုးအကျည်းတန်စေပါတယ်။ ရှာလကာရည် (သို့ မဟုတ်)
သံပုရာသီး/လျှောက်သီးစိပ်တို့ ဖြင့် ပွတ် တိုက်ပြီး
ရေစင်စင်ဆေးပေးခြင်းဖြင့် လက်သည်းများ ပကတိအတိုင်းဖြူစင်လာသလို၊
လက်သည်းလဲ မာလာစေပါတယ်။ ပြည်ကြီငါး (ကင်းပွန်)ကိုင်၍ အမည်းစွန်းထင်ခြင်း၊
ပုစွန်စိပ်ကိုင်၍ အညှီနံ့ စွဲခြင်း၊ ကြက်ဥ-ဘဲဥပုပ်ကြောင့်အနံ
့စွဲကျန်ခြင်း၊ ကြက်သွန်ဖြူနွှာ၍ အနံ့  စွဲခြင်းများအတွက် ဤနည်းအတိုင်း
သန့် စင်နိုင်ပါတယ်။
(၂၀)အလှူအိမ်မှာ ကြက်သွန်နီများအခွံနွှာပေးပြီးနောက်၊ ကြက်သွန်နီနံ
့စွဲမကျန်ရလေအောင် လက်ကို ဆားပျစ်ပျစ်ဖျော်၍ပွတ်ခြင်း၊ သွား
တိုက်ဆေးဖြင့်ပွတ်ခြင်း၊ ခရမ်းချဉ်သီး ထက်ခြမ်းခြမ်း၍ပွတ်ခြင်း၊
လိမ္မော်သီးစိပ်ဖြင့်ပွတ်ခြင်း၊ အာလူးအခွံနွှာ၍ ပွတ်ခြင်း၊ တရုပ်နံနံပင်
လက်ထဲ ထဲ့ချေပွတ်ခြင်း စသည်ဖြင့် ကြက်သွန်နီနံ့ များကို ချက်ချင်းဆိုသလို
ပြေပျောက်စေပါတယ်။
(၂၁) ဆန်အိုးထဲမှာ ပိုးတည်ပြီဆိုရင်၊ အမည်းရောင် ပိုးများအပွားမြန်လာကာ
ဆန်ကိုလည်းပျက်စီးစေတတ်ပါတယ်။ ပိုးဝင်နေတဲ့ ဆန်များ ကို ဖယ်ထုတ်ပြီး
ဆန်အိုးရဲ့  အတွင်းအပြင်ကို ဆပ်ပြာရည်ဖြင့်စင်အောင်ဆေးပါ။ ရေစင်အောင်
နေပြင်းပြင်းပြပြီး ကရဝေးရွက်ထဲ့၍ အဖုံးလုံအောင်ဖုံးကာ အဲဒီကရဝေးရွက်များ
တည ထဲ့သိပ်ပါ။ အိုးလုံးဝသန့် စင်ပြီး နောက်ထပ်ဆန်ပိုးမတည်နိုင်တော့ပေ။
<<စာနာထောက်ထားစွာဖြင့် ဆောင်းပါးရှင်အမည်ကို
ပြောင်းလဲခြင်း/ချန်လှပ်ထားခြင်း မျိုး မပြုလုပ်ကြပါရန် မေတ္တာရပ်ခံပါသည်
>>
(ဆောင်းပါးရှင်…ပေါက်ပေါက်...ရေးသားမျှဝေသည်)